Лина не успеа да обезбеди финале во Хамбург

Македонската тенисерка, Лина Ѓорческа нема да игра во финалето во конкуренција на двојки на ИТФ фјучерсот во Хамбург, Германија.

Ѓорческа и Софија Лансаре од Русија не успеаа да ја минат полуфиналната пречка, а тоа беа четвртите носителки, Кимберли Зиберман (Белгија) и Амандин Ес (Франција). Белгиско-француската комбинација подобро ги користеше брејк шансите (6/7 наспроти 4/8), севкупно освои повеќе поени (66-62) и со 2-0 во сетови (7-5 и 7-5) дојде до финалето на турнирот вреден 25.000 американски долари.

Во завршниот меч за титулата Кимберли и Амандин ќе се соочат со Ана Бондар (Унгарија) и Тереза Михаликова (Словачка).