Лига Европа: Барди и Шишковски ги дознаа потенцијалните ривали во баражот

Како што беше најавено, ова попладне беше доста активно во Нион и одговорните луѓе на УЕФА ги реализираа ждрепките за бараж двомечите во Лигата на шампионите и Лигата на Европа.

Во завршната фаза оод квалификациите, Македонија има двајца претставници во ова натпреварување, со надеж дека и Енис Барди и Дамјан Шишковски ќе дојдат до групната фаза.

Трабзонспор на Енис Барди има тешка задача во третото коло против Рапид Виена, а доколку ја минее оваа фаза, во бараржот ќе игра со Брага или Сервет.

Од друга страна, Шишковски како голман на Борац од Бања Лука испадна од квалификациите за Лигата на шампиони, но сега целта е да обезбеди пласман во Лига Европа.

Босанскиот шампион во третото коло игра против Класвик од Фарски Острови, а доколку ја мине оваа рунда, ќе игра со поразениот од двомечот меѓу Митјиланд и Ференцварош.