Поврзете се со нас

Германија

Леверкузен со фантастичен „триаголник“ ја нокаутира Борусија и стави крај на лошата серија (Видео)

Објавено

на

blank

Во големото германско дерби од 17-то коло, силите ги одмерија Баер Леверкузен и Борусија Дортмунд на „Бај Арена“, па тоа што се чинеше дека ќе биде натпревар кој ќе заврши со поделба на бодовите, на крајот испадна меч на кој домаќините ја прекинаа лошата серија резултати.

По поразот од дербито со Баерн Минхен во 2020-та година, „фармацевтите“ нанижаа уште два неуспеси и едно реми во домашната Бундеслигата, но вечерва после четири натпревари се вратија на посакуваниот колосек, и тоа на сметка на променливата Борусија.

„Милионерите“ имаат премногу подеми и падови од натпревар во натпревар, а со таков пристап, тешко дека ќе можат да му парираат на Баерн Минхен кој има седум бодови повеќе, а од вечерва и натпревар помалку.

Леверкузен го доби големото дерби со 2:1, а како одлучувачки фактор се покажа акцијата во 80-та минута која беше навистина фантастична и во која тројца играчи на домашниот тим изрежираа „триаголник“ по кој Вирц погоди за победа.

Претходно, Леверкузен имаше водство и во првото полувреме со голот на Диаби, но иако Јулиан Брандт израмни на 1:1 и постигна гол против својот поранешен клуб, на крајот мораше да им подаде рака на подобрите соиграчи од минатото.

Баер со оваа победа се врати на второто место на табелата во Бундеслигата со 32 поени, додека Борусија е четврта со три помалку.

Реклама
Реклама
Реклама

Популарни