Леверкузен ги матираше „милионерите“ и му се залепи на Баерн (ВИДЕО)

Баер Леверкузен излезе како победник од дерби соочувањето со Борусија Дортмунд со кое беше отворено 16. коло во германската Бундеслигата.

„Фармацевтите“ имаат фантастична серија на резултати во завршните два месеци од 2024 година, низа која продолжи и вечерва на „Сигнал Идуна Парк“ каде беа матирани „милионерите“ со 3-2.

Избрниците на Алонсо веќе во првата минута го отворија резултатот преку Тела, додека во 8 водеа со 2-0 по погодокот на Шик. Домаќините се вратија во игра со голот на Гитенс, меѓутоа експресно стигна одговорот од противникот кој одново отиде на плус два во 19 минута.

По овој фуриозен стар на дуелот до новата промена на резултатот која се покажа како последна се чекаше до 79 минута кога по еден лесно досуден пенал, Дортмунд со голот на Гираси дојде до минимална негатива.

Сега актуелниот првак има само еден бод помалку од лидерот Баерн Минхен кого утре го очекува гостување кај Борусија Менхенгладбах.