Леверкузен дојде до израмнување со 10 играчи на теренот и освои нов трофеј (Видео)

Покрај возбудувањата во германскиот Куп, оваа вечер на програмата беше и финалето во Суперкупот, дуел кој понуди супер атрактивен фудбал и драматичен финиш.

Штутгарт се покажа како голем предизвикувач за германскиот шампион Баер Леверкузен и беше пред победа и освоен трофеј, но тоа сепак не го дозволија избраниците на Чаби Алонсо.

Финалето почна со гол на Бонифасе и Леверкузен поведе на „Бај Арена“, но работите се закомпликуваа кога Мило израмнин на 1:1, а Терие заработи директен црвен картон.

Французинот го остави Леверкузен на цедило во 37-та минута и работата стана многу тешка и сложена за фаворитот, уште повеќе кога Ундав погоди за 1:2 во 63-та минута.

Сепак, Леверкузен не се откажа и успеа да притисне со 10 играчи на теренот, а во финишот и да израмни преку Шик за 2:2. Погодокот на напаѓачот во 88-та минута го однесе финалето на пенали, а таму како подобри реализатори се покажаа актуелните шампиони.

Сите четири изведувачи на Чаби Алонсо беа прецизни, додека на спротивната страна не реализираа Крациг и Силас.

🚨🏆 GOAL | Bayer Leverkusen 2-2 Stuttgart | Patrik Shick

PATRIK SHICK DRAWS LEVEL!pic.twitter.com/6xTSDPQ6gG

— Tekkers Foot (@tekkersfoot) August 17, 2024