Левандовски за мајсторијата на Модриќ: Тоа беше совршенство (ВИДЕО)

Хрватска ја реши Полска во Лигата на нации, а човек на одлука беше капитенот Лука Модриќ.

Фудбалерот на Реал Мадрид и во 39. година од животот покажа дека е клучен, незаменлив играч и со мајсторија во вториот дел донесе три бода за неговиот национален тим.

Лука погоди од слободен удар, магија од која без зборови остана и Роберт Левандовски.

-Видовме дека хрватскиот тим игра добро со топката во своите нозе. Во вториот дел погрешивме и добивме гол од слободен удар. Потоа им беше полесно да играат во напад. Модриќ погоди од позиција која беше многу блиску до голот.

-Понекогаш е најтешко да се постигне гол од такви позиции. Неговиот удар беше совршенство. Нашиот голман не ја ни виде топката. Беше тешко да се претпостави дека ќе погоди. Ама во фудбалот понекогаш давате гол, а понекогаш примате таков гол, -изјави најдобриот полски фудбалер.

The way Luka Modric hit this free kick wow, I can’t stop watching this. The technique is beautiful. pic.twitter.com/12hlc9z7kv

— WolfRMFC (@WolfRMFC) September 8, 2024