Левандовски стрелаше, Барселона остана перфектна во Ла Лига (Видео)

Барселона останува максимална во Ла Лига и по седум одиграни кола, па иако денешниот меч беше навистина тежок, најважна вест за каталонците е тоа што ги освоија трите бода.

За разлика од претходните натпревари на кои играчите на Ханси Флик брилјираа и постигнуваа по неколку голови, вечерва ја немаа потребната свежина и причина за тоа сигурно е акумулираниот замор, но сепак успеаја да постигнат еден гол кој беше вреден победа.

Роберт Левандовски ја искористи лошата реакција на голманот Сорија и погоди за 1:0 во 19-та минута, па иако во тој момент се доби впечаток дека тоа ќе биде почеток на нова голеада, Хетафе уште еднаш се покажа како тврд и незгоден противник.

Избраниците на Бордалас ги затворија пристапите кон својот гол и во самата завршница му направија проблеми на фаворитот, па можат и да жалат што не освоија еден бод.

Борха Мајорал имаше стопроцентна шанса во судиското продолжение, но напаѓачот промаши цела топка и воопшто не испрати удар кон голот на Инаки Пења.

Погодокот на Полјакот погледнете го ТУКА