Левандовски објасни кој е најголемиот предизвик за Јамал: Најтешко ќе му биде…

Ламин Јамал е новиот бисер на школата на Барселона, фудбалер кој многу рано доби шанса во првиот тим на каталонците, шанса која ја искористи и сега е едноставно незамнелив во почетната постава иако се уште е само тинејџер.

За офанзивецот се смета дека е генерациски талент, играч кој може да одбележи една ера во модерниот фудбал, да биде на највисоко ниво, нешто што добро му е познато на Роберт Левандовски.

Полјакот со години е маестрален, блескаше во Борусија Дормтунд, потоа достигна ново ниво во Баерн Минхен за да сега е константен и во Барселона давајќи голови, но и дели совети, помага на оваа млада екипа. Роберт има одличен однос за Јамал за кого смета дека најголемиот предизвик ќе му биде да ја одржи формата, да биде гладен, постојан од сезона во сезона.

-Ламин Јамал, за прв пат во мојата кариера видов некого и си реков што е ова, тој има нешто посебно. Со Мусиала беше поинаку, се гледаше дека има нешто. Мислам дека и за младите сега е поинаку, на Јамал најтешко ќе му биде да биде на врвот 10-15 години, да биде на исто ниво до 28-29 години. Мислам дека овие денови, со барањата на играта, е многу тешко за еден играч да игра на врвот повеќе од 10 години, -вели ветеранот и додава:

-Се обидувам да му дадам неколку совети, но и сега е поинаку. Кога бев млад, се работеше за зајакнување, а постарите играчи ви викаа и предизвикуваа пред 15 години. И на теренот ќе излезете толку мотивирани и не можевте да контролирате ништо затоа што бевте премногу мотивирани. Сега мислам дека на младите играчи не им се допаѓа толку ако некој им вика. Се промени. Ама не само во фудбалот, во животот, во работата, младите не го сакаат тоа толку многу. Не сакам да кажам дека не можете да им зборувате гласно, но не можете постојано да им викате. Значи, мора да се промените, мора да ја пронајдете рамнотежата, -порача голгетерот во разговорот со Рио Фердинанд.