Левандовски: Минатата година беше многу успешна за Реал, но сега…..

Роберт Левандовски денеска беше претставен како мега засилување за Барселона и тимот на Чави Ернандес, а уште на првиот прес, Полјакот беше приморан да одговара прашања поврзани за најлутиот ривал на каталонскиот гигант.

Реал Мадрид издоминира минатата сезона во Ла Лига и Лигата на шампионите и тоа секогаш носи и голема доза на нервоза во Барселона, па Левандовски порача дека фудбалот е извонреден спорт поради тоа што секогаш ви нуди нова шанса и прилика за поправен испит.

– Секогаш сум подготвен да играм против Реал Мадрид и на едно „Ел Класико“. Знам како е да се игра против Реал Мадрид.

– Вистина е, минатата сезона беше многу успешна за Реал Мадрид, но сега јас сум тука со моите соиграчи за да ги победам. Знаеме дека ќе биде тешко, но ова е фудбал.

– Не е само Реал Мадрид, во Ла Лига има и други многу добри тимови. Фудбалот е добар спорт бидејќи ви нуди шанса секоја нов натпревар, но секогаш мора да бидете на највисоко ниво. Не размислувам премногу на Реал и Бензема, мене ме интересира да играм добро за Барселона, а не само против него, – порача Левандовски.