Левандовски: Клоп не ми дозволи да направам трансфер во Јунајтед

Роберт Левандовски одработи интервју за „Билд“ и ги искоментира последните неочекувани случувања во Баерн Минхен, но се наврати и на периодот во кој ги доживеа најубавите моменти на „Алијанц арена“.

Полјакот посочи дека убедливо најдобро се чувствувал со Ханси Флик како тренер на баварскиот великан, но во набројувањето на најважните тренери во кариерата, не го заборави и Јирген Клоп со кого соработуваше во Борусија Дортмунд.

– Со Ханси Флик го имав најдобриот период во Баерн, со него се беше генијално. Бевме најдобри и ги освоивме сите титули. На крајот тој си замина и за мене тоа беше се многу чудно. Тешко се сфаќаше тоа, но фудбалот е таков бизнис и мора да одите напред.

– Претходно, Клоп беше како мој татко во фудбалот, го чувствував како близок родител. Тој заедно со спортскиот директор Вацке направи да не заминам во Манчестер Јунајтед на 22 години.

– Сакав да одам во Манчестер, но тие ме седнаа и ми порачаа: Нема шанси, потребен си ни тука и мора да останеш, – се потсетува Леви.