Левандовски излезе со коментар за инцидентот со младиот Јамал

Роберт Левандовски ја прекина лошата низа од шест меча без постигнат гол, па со својот блесок донесе пресврт победа за Барселона во пресметката со Алавес.

Полјакот ги реши проблемите за Чави Ернандес со двата гола кои ги постигна во вториот дел, но од овој период од мечот се погрижи и за еден спорен момент кој му донесе доста негативни реакции.

Левандовски имаше забелешки за себичниот Ламине Јамал и викаше по 19-години помладиот соиграч, на кого подоцна не му подаде рака кога овој се приближи за да му го објасни својот потег.

Ваквиот однос на Левандовски крена голема прашина во каталонската и шпанска јавност, но Леви денеска се јави и нагласи дека не треба да се претерува и да се прави нешто големо од малиот инцидент.

– Тоа беше мал инцидент и чиста случајност. Тоа е нормална ситуација на фудбалски терен меѓу двајца соиграчи. Понекогаш знам да викам на теренот, но нема зла крв, ниту лоша мисла. Се е во ред и нема ништо посебно, да бидам искрен, сметам дека нема потреба да се коментира оваа ситуација, – изјави денеска Левандовски.

Лош пристап од Полјакот: Левандовски беснееше на свој соиграч, па одби да му подаде рака (Видео)