Левандовски го олади Чави при бурната прослава на тренерот на Барса (Видео)

Чави Ернандес мораше да прави корекции во тимот и да ја менува стратегијата во завршницата од мечот, бидејќи неговиот тим не изгледаше воопшто добро во Сан Себастијан.

Тренерот на Барса со неколку храбри одлуки внесе свежина во завршницата и направи четири промени во вториот дел, а по се изгледа, неговите потези не му се допаднаа на Роберт Левандовски.

Полјакот беше прва измена и беше повлечен од игра во 57-та минута, но она што се најде во фокусот е реакцијата која ја имал во подтрибинскиот простор на „Реале арена“.

Барселона оствари драматична победа со гол во судиското продолжение, па Чави како лидер на тимот ги пречекал сите свои фудбалери пред соблекувалната.

За мотивациските извици доби повратна реакција од сите фудбалери, освен од Левандовски кој го олади својот тренер и не го ни погледна кога минуваше крај него.

Tremendo la cobra de Lewandowski a Xavi. Es que es descaradísimo. Pasa a su lado y ni le mira. Vaya desprecio Julio.pic.twitter.com/0D83RWC7mC

— Culé Atónito (@AtonitocuLe) November 4, 2023