Левандовски го матираше Дортмунд и испиша историја во ЛШ

Барселона го одбрани домашниот терен и оствари убедлив триумф над Борусија Дортмунд од 4-0 во првата средба од четвртфиналето на Лигата на шампионите.

Домаќините беа подобар, поконретен ривал и остварија победа со која широко си ги отворија вратите кон пласман во полуфиналето, фаза во која ако помине ќе игра со подобриот од Баерн Минхен и Интер.

Играч на натпреварот беше ветеранот Роберт Левандовски кој продолжи да стрела против својот поранешен клуб, односно со два погодоци во вториот дел го матираше „бундеслигашот“. Со ова Полјакот дојде до двоцифрен учинок во ЛШ и со тоа воедно испиша нова страница во ова натпреварувања.

Роберт е прв играч кој со три различни екипи има плус 10 гола во сезона во Лигата на шампионите, поточно тоа претходно му успеа со Дортмунд, Баерн Минхен и сега со Барселона.

3 – Robert Lewandowski has become the first player in Champions League history to score 10 goals in a single season for three different teams: Borussia Dortmund, Bayern Munich and FC Barcelona. Lethal. pic.twitter.com/KZ91RMLHRm

— OptaJose (@OptaJose) April 9, 2025