Лестер се спаси од казна од Премиер лигата

Независниот панел ја прифатил жалбата на Лестер и го спаси англискиот клуб од нова казна од Премиер лигата.

„Лисиците“ требаше да одговараат за прекршување на правилата на финансискиот фер плеј, но членовите на комисијата утврдиле дека Премиер лигата нема основа да го казни клубот.

Во првата реакција, Лестер триумфално објави дека панелот само ги потврдил напишаните правила, додека Премиер лигата изрази разочарување и изненаденост од одлуката.

Првичната одлука на независното тело е дека Премиер лигата може да го казни Лестер за претераното трошење, но потоа е прифатена втората жалба во која Лестер го искористил фактот што не бил дел од Премиер лигата кога е поднесено обвинението.

За слични финансиски прекршоци, Нотингем Форест и Евертон беа казнети со одземање бодови, а такво сценарио се очекуваше и за Лестер.