Лескот: Белингем е најдобар фудбалер на светот

Џуд Белингем од пред неколку месеци е член на шпанскиот великан Реал Мадрид кој потроши над 100 милиони евра за да го доведе во своите редови од бундеслигашот Борусија Дортмунд.

Белингем експресно се снајде на „Сантијаго Бернабеу“ и дефинитивно е најконстатниот играч на „кралевите“ во досегашниот дел од сезоната и најдобар доказ за тоа се десетте дадени голови. Англичанецот одлично се снаоѓа во системот на Карло Анчелоти, дава погодоци како никогаш претходно во кариерата и со тоа ги освои срцата на навивачите, но и почитта на новите соиграчи.

Досга се говори за младиот Џуд кој според екс дефанзивецот на Манчестер Сити, Евертон и Астон Вила, Џолеон Лескот е најдобар фудбалер на светот.

-Тој е најдобриот играч на светот во моментов… Добро се однесува и испорачува на теренот. Ја разбира играта на ниво на кое не треба на негова возраст. Нека продолжи така за него и Англија, бидејќи тој може да ја освои Златната топка и тоа би било огромна работа за Англија, -порача Лескот.