Поврзете се со нас

Светски првенства

Лесјак: Имавме проблеми со поставена одбрана, ја средивме Македонија со едноставен рецепт

Објавено

на

blank

Урбан Лесјак сосема очекувано и заслужено беше избран за играч на мечот на пресметката меѓу Словенија и Македонија, бидејќи чуварот на мрежата на тимот кој го предводи Врањеш забележа дури 17 одбрани во триумфот над нашата селекција.

Македонија одлично парираше во првото полувреме, до 20-та минута беше и во егал ситуација, но во последните 9 минути од првите 30 комплетно беше неутрализирана во нападот, а тоа беше предуслов за прва поосетна серија на еден тим. Словенија поведе со четири гола разлика и на полувреме замина со 13:9, а потоа во второто полувреме комплетно беше скршен отпорот кој го даваа избраниците на Брестовац.

Конечните 31:21 на крајот изгледаат и како преголема казна за борбата која ја понудија нашите ракометари, кои сепак немаа премногу решенија за расположениот Лесјак кој прв даде изјава од победничкиот табор откако беше избран за човек на натпреварот.

– Среќни сме што после мечот со Белорусија, сфативме што е она што нас ни носи победа. Тоа се одбраната и лесните голови во против напад. Дури и денеска имавме проблеми кога се бранеа со поставена одбрана и најверојатно ќе биде така до крајот на турнирот. Нашиот рецепт мора да биде едноставен: Добра одбрана и брзи голови на контри, тоа мора да биде нашиот рецепт за победа.

– Момците дојдоа до момент на самодоверба кога се сигурни дека ги добиваат дуелите еден на еден. Не е лесно да се игра против нас и два на два и тоа е клучот. Самодовербата и концентрацијата се на завидно ниво и тоа е добар предзнак пред дуелот со Шведска. Наша цел е да победиме на сите три меча во главната фаза, – изјави Лесјак.

Реклама
Реклама
Реклама

Популарни