Леконт: Тоа што го прави Надал е неверојатно, тој е како Формула 1

Анри Леконт своите најдобри игри ги прикажуваше во 80-те години на минатиот век, а како член на старата гарда тенисери кои будно ги следат случвањата во актуелниот тенис, Французинот признава дека посебно е воодушевен од Рафаел Надал.

Леконт најголем дострел на грен слем турнирите имаше во 1988-ма година кога играше во финалето на Ролан Гарос, турнир на кој во последните 15 години апсолутен владетел стана токму играчот кој тој посебно го цени.

Рафа го освои Френч Опен неверојатни 12 пати во последнит 15 години, дотигнување кое е навистина нестварно, а кое според Леконт го прави Надал како Формула 1 тим кој секоја година има некоја нова модификација.

– Кога ќе се подразмислите и ќе сфатите дека освои 12 титули на Ролан Гарос во последните 15 години, сфаќате дека тоа е нешто неверојатно. Да ми го кажеше некој ова порано, ќе помислев дека е луд, едноставно ова е нереално. Навистина е импресивно како напредуваше, како еволуираше и како се подобри во секој сегмент.

– Би го споредил со тркачките тимови во Формула 1. Секоја година како да подготвува нов болид и секоја година пронаоѓа нешто ново во својата игра. Тоа му овозможува одново и одново да го освојува Ролан Гарос, – тврди Французинот.