Леклер со јасен став за својот тимски колега со кого не се согласуваа најмногу: Би сакал Фетел…

Младиот Моначанец, Шарл Леклер сигурно ќе остане пилот на Ферари и во следните години од Формула 1, а во моментов неизвесна останува судбината на неговиот тимски колега, Себастијан Фетел.

Иако во минатата сезона двајцата пилоти на Ферари имаа меѓусебни несогласувања, Леклер изјави дека би сакал Фетел да остане во клубот.

– Многу сум задоволен со фактот што Себ ми е колега и покрај тоа што имавме некои проблеми на патеката, како тој во Бразил. Можеби од надвор не делува така, но ние двајца секогаш имавме добар однос. Каква одлука и да донесат од Ферари, јас ќе ја почитувам, тоа ми е работа. Мора да се прилагодам на одлуките на тимот. Секого ќе го дочекам убаво, но мора да кажам дека би бил многу среќен ако Себ остане во тимот, -изјави Леклер кој има договор со Ферари до 2024 година.