Леклер испрати порака откако стана јасно дека Фетел ќе биде минато во Ферари (Фото)

Шарл Леклер дефинитивно ќе биде ударна игла во Ферари во иднина откако тимот и самиот Себастијан Фетел потврдија дека постигнале договор за прекин на соработката по крајот на договорот кој завршува оваа сезона, а во моменти кога се шпекулира во кој тим ќе заврши Германецот и кој ќе го замени во Маранело, навистина со нетрпение се очекуваше првата реакција на возачот од Монако.

Младиот Леклер многупати беше жртва на тимската тактика минатата сезона и се доби впечаток дека не може да дојде до израз токму поради Фетел, но во неколку наврати изрежираа и нестварни сцени на патеки со кои се крена тензија меѓу нив.

Сега, кога беше објавено дека четирикратниот шампион нема да продолжи во Ферари, Леклер испрати две искрени пораки и нагласи дека сепак најмногу научил токму од Фетел.

– Беше огромна чест за мене да бидам твој тимски колега. Имавме тензични моменти на патеките, но и многу добри и некои кои не завршија како што сакавме. Сепак, секогаш постоеше почит, иако не се добиваше таква перцепција од страна.

– Никогаш не научив толку многу како со тебе како мој тимски колега. Ти благодарам за се Себ, – заврши Леклер.

It's been a huge honor for me to be your team mate. We've had some tense moments on tracks. Some very good ones and some others that didn't end as we both wanted, but there was always respect, even though it wasn't perceive this way from the outside.
1/2 pic.twitter.com/cN0E9t3huw

— Charles Leclerc (@Charles_Leclerc) May 12, 2020

I've never learnt so much as I did with you as my teammate.
Thank you for everything Seb. pic.twitter.com/jRHEsvMYvg

— Charles Leclerc (@Charles_Leclerc) May 12, 2020