Леклер доби казна пред трката во Монако (Видео)

Шарл Леклер доби разочарувачка вест од стјуардите на Ф1 трката во Монако и ќе мора да стартува од полоша позиција на утрешната трка.

Возачот на Ферари не успеа да стигне до посакуваната пол-позиција на своето домашно гран-при, а сега ќе оди и три позиции наназад поради инцидентот со Ландо Норис.

Леклер имаше трето најдобро време во квалификациите за уличната трка во Монте Карло, а сега ќе стартува од шестата позиција, бидејќи стјуардите процениле дека го блокирал пилотот на Мекларен.

Истрагата на стјуардите подразбирала прегледување снимки и разговор со возачите, па на крајот било решено дека Леклер непотребно го блокирал Лорис и влијаел на неговиот резултат.

Од одлуката најмногу профитираат Окон, Саинц и Хамилтон, кои ќе одат една позиција нанапред.

A closer look at the incident between Norris and Leclerc in the tunnel 👀#MonacoGP #F1 pic.twitter.com/uxp1jIRhq1

— Formula 1 (@F1) May 27, 2023