Поврзете се со нас

Италија

„Лекип“: Рабио веќе има конкретна цел за претстојниот преоден рок

Објавено

на

Адриен Рабио вчера се врати во Торино каде ќе мора да помине 14-дневен карантин пред да им се врати на тренинзите со Јувентус, но француските медиуми тврдат дека тој размислува за разделба со италијанскиот клуб.

Само една сезона откако дојде како слободен агент од ПСЖ, Рабио очигледно сака да ја промени средината, а главна цел му е Евертон, каде повторно би соработувал со Карло Анчелоти, тврди „Лекип“.

Наводно интерес покажуваат и Манчестер Јунајтед и Арсенал, а се чини дека според досегашното искуство, најблиску до неговиот потпис ќе биде тимот кој ќе му ги исполни финансиските побарувања.

Рабио ова го потврди и со фактот што бил единствениот играч на Јувентус кој јавно кажал дека не се согласува со доброволно намалување на платите, што според таблоидите беше и причина за толку доцна да се врати во Италија.

Неговото однесување предизвикало револт и кај менаџментот на Јувентус, па се чини дека и „бјанконерите“ нема да го задржуваат ако добијат соодветна понуда за негов трансфер, односно ако договорат размена со фудбалер кој му е потребен на Маурицио Сари.

Реклама
Реклама
Реклама

Популарни