„Лекип“ ги објави платите во Лига 1, цел Топ 10 резервиран за ПСЖ

ПСЖ доминира во француското првенство со својата финансиска моќ, а ростерот исполнет со скапи фудбалери му овозможува доминација во домашното првенство.

„Лекип“ ги објави месечните бруто плати на фудбалерите од Лига 1 и сосема очекувано, ПСЖ е далеку пред сите останати клубови, па неговите фудбалери целосно го исполнија Топ 10 поредокот.

На врвот е Килијан Мбапе со месечна плата од 6 милиони евра, потоа следува Нејмар со плата од 3,65 милиони, додека Меси е на третото место со плата од 3,37 милиони евра.

Понатаму, во Топ 10 следуваат Маркињос, Верати, Хакими, Донарума, Рамос, Бернат и Мукиеле, при што десеттиот на листата има месечна плата од плата од 700.000 евра.

Првиот претставник на друг клуб е Бен Једер од Монако на единаесеттото место, а неговата плата е 650.000 евра.