Лекција за лидерот: Аталанта го „потопи“ Наполи во Неапол (ВИДЕО)

Фудбалерите на Аталанта му одржаа лекција на Наполи во првата средба од денешната програма во италијанската Серија А.

Ова беше дуел на две екипи кои се во одлична форма, дуел кој избраниците на Гасперини убедливо го добија и тоа со резултат 3-0.

Лукман беше човек на одлука во првиот дел кога со два гола во 10 и 31 минута ги шокираше противничките фудбалери и навивачи. Домаќините се мачеа да го возвратат ударот, да се вратат во игра, па овој резултат од 2-0 беше активен се до 92 минута кога одличниот Ретеги со мајсторски прецизен удар ги потврди трите бода.

Со ова славје клубот од Бергамо дојде до втората позиција на табелата и има само три помалку од Наполи за кого ова беше втор сезонски пораз, прв од август кога исто со 3-0 беше поразен од Верона.

ОВДЕ можете да ги погледнете погодоците.