Лејкерс загуби во разочарувачката шутерска ноќ на Дончиќ, Мареј „експлодираше“ со личен рекорд (Видео)

Лос Анџелес Лејкерс го доживеа првиот пораз во ерата ЛеБрон-Дончиќ, откако рано утрово „џезерите“ успеаја да им се реваншираат за поразот од пред два дена.

Јута овојпат на домашен терен имаше одличен одговор за ѕвездениот тим на Лејкерси и Марканен беше предводник во победата 131:119, натпревар на кој Дончиќ имаше навистина лоша шутерска вечер за свои стандарди.

Словенецот го заврши мечот со 16 поени зад своето име, но шутираше 6/13 од поле 3/8 за три поени, а погоди и само едно од пет слободни фрлања.

Овој учинок е навистина далеку од стандардите кои ги има поставено Лука во НБА лигата, но дури и во лоша ноќ, Лука имаше две сензационални асистенции од вкупно четири. Под својот просек беше и ЛеБрон кој го заврши мечот со 18 поени, додека најдобар играч на паркетот беше Марканен со 31 поен во победата на Јута.

За разлика од Лејкерс, Денвер продолжи да „меле“ и ја запиша осмата победа во низа, и тоа во натпревар во кој Мареј запиша личен рекорд.

Плејмејкерот на Нагетси постигна неверојатни 55 поени во победата над Портланд со 132:121, но извонреден беше и Никола Јокиќ кој го запиша својот 25-ти трипл дабл од стартот на сезоната (26 поени, 15 скокови и 10 асистенции).

НБА резултати:

Бостон Селтикс – Сан Антонио Спарс 115:103
Орландо Меџик – Шарлот Хорнетс 102:86
Вашингтон Визардс – Индијана Пејсерс 130:134
Бруклин Нетс – Филаделфија Севентисиксерс 100:96
Њујорк Никс – Атланта Хокс 149:148
Торонто Репторс – Кливленд Кавалирс 108:123
Чикаго Булс – Детроит Пистонс 110:128
Минесота Тимбервулвс – Милвоки Бакс 101:103
Њу Орлеанс Пеликанс – Сакраменто Кингс 111:119
Оклахома Сити Тандер – Мајами Хит 115:101
Хјустон Рокетс – Феникс Санс 119:111
Денвер Нагетс – Портланд Трејлблејзерс 132:121
Јута Џез – Лос Анџелес Лејкерс 131:119
Далас Маверикс – Голден Стејт Вориорс 111:107