Лејкерс се откажаа од Расел за досегашен играч на Бруклин

Лос Анџелес Лејкерс и Бруклин договориле размена во која Д’Анџело Расел ќе се пресели во редовите на Нетс, додека во спротивна насока ќе патуваат Дориан Фини-Смит и Шејк Милтон.

Лејкерс ќе останат и без Максвел Луис во рамките на оваа размена, а Бруклин ќе добие и неколку избори во втората рунда на драфтот на својот ривал.

За Расел ова ќе значи враќање во екипата за која настапуваше две сезони, а Лејкерс се откажува од него во ситуација кога имаше просек од 12,4 поени, 4,7 асистенции и 2,8 скокови по натпревар.

Во тимот од Ел-Еј се убедени дека Фини-Смит ќе им донесе дополнителен квалитет во нападот, но и одбраната, а овој играч стигна во Бруклин во размената во која Кајри Ирвинг замина во редовите на Далас во 2023 година.

Бруклин на овој начин за краток период се откажа од две важни имиња, откако неодамна Денис Шрудер се пресели во Голден Стејт.