Лејкерс и Атланта го потврдија учеството во НБА плејофот

Атланта го победи Мајами како гостин со 105:116, додека Л.А Лејкерс мораше да игра продолжение, но славеше над Минесота во плеј-ин натпреварите од НБА лигата.

ЛеБрон Џејмс го предводел својот тим со 30 поени и 10 скокови до победа со резултат 108:102 по едно продолжение, со што Лејкерс си обезбедија плејоф пресметка со Мемфис Гризлис која започнува во сабота.

Дејвис уфрлил 24 поени за победничкиот тим, а тоа бил ефектот и на Таунс кај Минесота, екипата која беше сериозно ослабена поради неиграњето на суспендираниот Гобер и повредениот МекДениелс.

И со ваков состав Минесота му создаде многу проблеми на домашниот тим, кој првпат поведе во последниот период, но се снајде подобро во клучните моменти од средбата.

Тре Јанг ја предводеше Атланта до голема победа на Флорида, постигнувајќи 25 поени во триумфот на „јастребите“ и во разочарувањето за домашните фанови.

Лаури со 33 и Хиро со 26 поени се истакнале во редовите на Мајами, но тоа не било доволно за посакуваниот резултат.

Противник на Атланта во плејофот ќе биде тимот на Бостон Селтикс, додека Мајами и Минесота ќе имаат уште една шанса за да се борат за осмите места во своите конференции.