Лејкерс го возврати ударот и му се одмазди на Денвер, Кливленд почна да се „лизга“ (ВИДЕО)

Лос Анџелес Лејкерс славеше над Денвер Нагетс со  120:108 во дербито на вечерта во НБА лигата.

„Езерџиите“ пред неколку дена загубија од овој противник во Колоради во меч во кој не играат Дончиќ, Џејмс и уште неколку важни играчи за да сега стигне одговорот од нив и тоа во една слична ситуација во која беше противникот кој не можеше да смета на Јокиќ и Мари.

Домаќините беа расположени за игра и уште во првата четвртина го најавија триумфот затоа што постигнаа 46 поени. Потоа избраниците на Редик знаеја што прават, па така Лука по три периоди го заврши настапот со 31 поен, 8 скока и 7 асистенции. Најголема поддршка му беше Ривс со 22 кошеви и 8 асистенции. Најсветла точка кај поразените беш Гордон со дабл-дабл од 26 поени и 11 скокови.

Кливленд Кавалирс почна да се „лизга“ и потврда за тоа се трите порази од низа од кои последниот беше против „кралевите“ од Сакраменто.

Кингс беа подобри со 123:119 и тоа во дуел кој беше одбележен со тимска игра. Седуммина кај победникот беа двоцоифрени, а нешто слично беше и кај гостите кои имаат шест кошаркари со +10 кошеви.

РЕЗУЛТАТИ:

Индијана – Далас 135:131
Орландо – Хјустон 108:116
Мајами – Детроит 113:116
Минесота – Њу Орлеанс 115:119
Оклахома – Филаделфија 133:100
Сан Антонио – Њујорк 120:105
Јута – Вашингтон 128:112
ЛА Лејкерси – Денвер 120:108
Финикс – Чикаго 127:121
Портланд – Мемфис 115:99
Сакраменто – Кливленд 123:119