Лејкерс го „шутна“ Вестбрук во трејд во кој беа вклучени осум играчи

Тимот на Лос Анџелес Лејкерс се реши да направи сериозни промени во играчкиот кадар по лошите резултати во досегашниот дел од оваа сезона, па така откако пред некое време овој тим го доби Руи Хачимура во размената со Вашингтон Визардс сега направи уште поголема „трампа“ во која се ослободи од Расел Вестбрук.

Долго време се говореше за можно заминување на плејмејкерот што и на крајот конечно се случи и тоа во трејд меѓу три екипи во кои беа клучени осум играчи и неколку пикови на следните НБА драфтови.

Имено Рас беше испратен во Јута Џез заедно со Хуан Тоскано Андерсон и Демијан Џонс. Лејкерс пак од Минесота ги доби Дианџело Расел, Малик Бизли и Џеред Вандербилт, додека пак во Тимбервулвс заминаа Мајк Конли и Никил Александер Вокер.

Ова е операцијата во која беа клучени Лејкерс, Минесота и Јута со тоа што вторите добиваат и пикови на драфтот во 2024, 2025 и 2026, а џезерите од 2027 година.

Најважните актери во зделката се Вестбрук и Расел, па така популарниот Рас ќе се испроба во уште една новоа средина во НБА лигата, додека за Дианџело ова ќе биде камбек во Лејкерс, тим кој во 2015 година го избра како втор пик на драфтот.