Легендата на Премиер лигата избрана за помошник на Англија

Поранешниот англиски дефанзивец Ешли Кол (43) е назначен за помошник на Ли Карсли, привремениот селектор на Англија, соопшти Англиската фудбалска асоцијација (ФА). Кол веќе му беше помошник на Карсли во репрезентацијата на Англија до 21 година.

Во стручниот штаб на „Гордиот Албион“ ќе се приклучи и поранешниот англиски колега на Кол, Џолеон Лескот. Карсли е именуван за привремен селектор на Англија пред почетокот на Лигата на нации, откако Герет Саутгејт се повлече.

Ешли Кол забележа 107 настапи во англискиот дрес, настапувајќи на три Светски првенства (2002, 2006, 2010) и на две ЕП (2004, 2012).

Лескот има 26 настапи за националниот тим, настапувајќи на Европското првенство во 2012 година.