Поврзете се со нас

Германија

Легендата на Борусија се огласи за иднината на Халанд по последната изјава на Раиола

Објавено

на

blank

Михаел Цорк цела своја играчка кариера и ја посвети на Борусија Дортмунд и благодарение на тоа е втор најдобар стрелец во историјата на клубот и покрај тоа што беше везен фудбалер, а како човек кој и натаму е дел од клубот во кој извршува важна функција, навистина големо значење имаат неговите зборови.

Легендарниот Цорк е спортски директор во Борусија и се грижи за најважните прашања околу тимот во друштво на Вацке, но сега самиот тој се почувстува прозван од страна на Мино Раиола кој пред два дена нагласи дека Ерлинг Халанд нема уште долго да остане во Германија.

Раиола нагласи дека само десет клуба во овој момент можат да си го дозволат неговиот клиент, по што Цорк реши да се огласи со најава дека Норвежанецот нема да мрдне од „Сигнал Идуна парк“ наредното лето.

– Халанд не може, не смее и не сака да си замине од клубот, затоа нема да ја промени средината наредното лето. Ова се доволно добри причини за да остане со нас.

– Искрено, не ме вознемирија последните зборови на Раиола, напротив. Сметам дека не кажа ништо сензационално, тоа за мене беше нормална изјава. Нема лош однос меѓу нас. Наша цел е до крајот на сезоната да го оствариме зацртаното, сакаме да се квалификуваме во Лигата на шампионите. Не се сомневам дека ќе успееме во тоа, но без разлика што ќе се случи, Ерлинг продолжува со нас, – нагласи Цорк.

Реклама
Реклама
Реклама

Популарни