Легендарниот Шек со искрен коментар за својата најголема слабост: Имам многу пари, богат сум, но Бог ме потсети дека…

Шекил Онил е еден од оние кошаркари кои вечно ќе бидат запаметени како едни од најдобрите во светот на НБА Лигата.

Популарниот Шек беше доминантен под кошевите и важи за вистинска легенда на кошарката и спортот во САД.

Онил беше незапирлив во текот на целата своја кариера, а беше вистински ѕвер под кошевите, поради што многумина од противниците му се плашеа.

Сепак, еден сегмент во неговата игра беше ужасно лош. Тоа беа слободните фрлања од каде Шек никако не можеше да постигне поени.

На крајот на кариерата неговиот процент од „пенал линијата“ беше само 52% што е далеку, далеку од добро.

Тоа го знае и самиот Онил кој неодамна изјави дека овој сегмент од неговата игра и тоа што никако не можел да го совлада е само потсетник дека никој не е совршен.

– Имам преубава жена, големо семејство и доста пријатели. Исто така имам многу пари, Ферари, шампионски прстени и куќи на море. Полицаец сум и актер, добро пеам и згоден сум. Сепак, моите проценти од линијата за слободни фрлања се потсетник од Бога дека никој не е совршен, -изјави Онил.

Легендарниот Шекил во својата богата кариера освои четири шампионски прстени, а кариерата ја заврши со просек од 23 поени и 11 скокови по натпревар.