Легендарниот Лосерт ќе работи со голманите на Вардар

Македонскиот шампион Вардар ќе има уште еден нов член на клупата, односно новиот тренер Давид Дејвис Камара добива помош и тоа во легендарниот Венио Лосерт.

Лосерт имаше извонредна играчка кариера во која освои многу трофеи на клупски план, но и со Хрватска каде беше дел од златната генерација со која „собираше“ трофеи на Европските, Светските првенства како и на ОИ во Атланта, Атина и Лондон.

-Доаѓам во Вардар и секако дека тоа е еден нов предизвик за мене. Кога работиш со клуб треба да се грижиш голманите да бидат постојано во форма и да нема осцилации. Со репрезентација се работи за одржување и подобрување на формата за пократок период. Кога Дејвис се договори со Вардар ме праша дали сум заинтересиран да му помогнам.

-Од Египет дозволија, и ете сум во Вардар. Го следев Вардар во ЛШ, и можам да кажам дека има добри и квалитетни голмани. Ќе се обидам да помогнам, да бидат уште подобри и поконстантни. Верувам ќе имаме добри резултати, -порача Лосерт за сајтот на „црвено-црните“.