Легендарниот Џонсон по потегот на Денвер: Ова никогаш не сум го видел

Чудни работи се случуваат оваа сезона во НБА лигата, а последниот дојде од редовите на Денвер Нагетс кој на крајот на регуларниот дел од натпреварувачката 2024/2025 одлучи да се раздели со тренерот Мајк Мелоун, стратегот кој му донесе историски успех и пехар на составот од Колорадо.

Нагетс се ослободија и од генералниот менаџер Калвин Бут, поточно се решија за една чистка во ситуација кога тимот има позитивен учинок и е пред настап во плејофот, разигрувањето за пехарот.

Овој потег како и некои претходни на клубовите на Западот го шокираа легендарниот Ирвинг Меџик Џонсон кој се огласи на социјалните мрежи.

-Јас сум дел од НБА семејството 45 години и ваква сезона никогаш не сум видел. Прво, две супер ѕвезди се разменети на средина на сезоната Лука Дончиќ и Ентони Дејвис, сега пак двајца тренери Мајкл Мелоун од Денвер Нагетс и Тејлор Џенкинс од Мемфис Гризлис се отпуштени на крајот на регуларниот дел, а нивните тимови имаат обезбедено место во плејофот, -напиша иконата на Лос Анџелес Лејкерс.

I’ve been part of the NBA family for over 45 years and I’ve never seen a season like this! First, two superstars get traded in the middle of the regular season, Luka Doncic for Anthony Davis, and now two coaches, Denver’s Michael Malone and the Grizzlies’s Taylor Jenkins, get…

— Earvin Magic Johnson (@MagicJohnson) April 8, 2025