Легендарниот Донато го подбра Винисиус: Зошто тоа не им се случува на неговите соиграчи? Мора да…

Винисиус Жуниор често знае да се најде во фокусот на вниманието поради неговите квалитети, знаење, но и неговото однесување кое знае да биде провокативно како за противничките играчи и навивачи.

Офанзивецот знае да претера и потоа да игра на картата дека е жртва со тоа што досега имаше максимална поддршка од Реал Мадрид и сите негови навивачи.

Меѓутоа по неговата последна изјава во која порача дека на Шпанија треба да и се одземе Светското првенство во 2030 година ако не преземе нешто со расизмот, дефинитивно си создаде нови непријатели во државата, па и оние кои досега го поддржуваа почнаа да го критикуваат.

Винисиус ги провоцира Шпанците: Ако не се поправи ситуацијата во оваа земја, треба да им се одземе…..

Повеќе од јасно е дека ќе добие „топол пречек“ по репрезентативните пауза кога ќе се вратат клупските возбудувања, а во меѓувреме оваа негова изјава ја искоментира легендарниот Донато Гама Да Силва, човекот роден во Рио Де Жаниеро, но човек кој настапуваше за Шпанија, а своите најдобри партии ги имаше во Атлетико Мадрид и Депортиво Ла Коруња каде освојуваше лигашки и Куп трофеи.

-Винисиус е одличен играч, ама не знам што му се случило во животот, но тие изјави се силни. Зошто тоа не им се случува на останатите играчи на Реал? Срамота е што кажува дека Шпанија е расистичка земја, треба да се извини, -вели Донато кој додаде:

-Тој треба да се грижи да тоа што се случува на теренот и да заборави на тоа надвор. Јас ја имав топката и луѓето испушаа мајмунски звуци, ама јас се смеев затоа што во нивната екипа имаше црни играчи, -рече Донато за Радио Марка.

Градоначалникот на Мадрид со порака до Винисиус: Барам веднаш да се поправи и да се преиспита