Легендарниот Чарлтон починал од последиците од несреќен случај

Англиската и светската фудбалска јавност изминатите денови се прости од големиот Боби Чарлтон, поранешниот фудбалер на Манчестер Јунајтед и англиската репрезентација, кој е запаметен по своите настапи, трофеи и влијанието на следните генерации.

Денеска, медиумите на островот излегоа со информација дека Чарлтон починал од последиците од несреќен случај, кој се случил за време на неговиот престој во старечки дом.

86-годишната легенда и онака имаше здравствени проблеми, но починал откако загубил рамнотежа станувајќи од столчето на кое седел, по што ја удрил во главата во тврд предмет, кој веројатно бил радијатор.

Негувателите во домот подоцна забележале модринки, кои пак биле знак дека скршил ребра, а лекарите претпоставиле дека целата ситуација ќе предизвика и пневмонија.

Иако добивал соодветна лекарска грижа наредните денови, Чарлтон починал пет дена подоцна, а како конечни причини за смртта се наведени последиците од падот, траумата на ребрата и деменцијата.