Легендарниот Бергоми: Бев будала, го потценив коронавирусот, не можев да…

Многу луѓе ширум светот се заразија со коронавирусот, а во таа група е и легендата на Интер и италијанскиот фудбал, Џузепе Бепе Бергоми.

Бергоми успеа да излезе како победник од оваа битка, па сега искрено го сподели своето искуство и воедно призна дека едноставно ја потценил целата оваа ситуација, вирусот од кој настрадаа многу луѓе во Италија и на планетава.

-На почетокот на март, се разболев, тоа влијаеше на моето чувство за вкус, ама не и белите дробови. Развив антитела, но лекарите ми рекоа дека тоа нема целосно да ме заштити целосно. Бев слаб, не можев да седнам поради болки во грбот, постојано бев на нозе.

-Сето тоа траеше помеѓу 20 и 25 дена. Сега се чувствувам одлично, почнав да трчам, наскоро ќе бидам потполно здрав. Бев будала и го потценив вирусот, па на 26 февруари отидов во Неапол да го коментирам натпреварот помеѓу Наполи и Барселона. Бев во контакт со премногу луѓе, многу згрешив, -рече Бергоми.