Легендарната Кастратовиќ ќе биде втор македонски член во „Куќата на славните“ (Фото)

Европската ракометна Федерација по повод 30 години од постоењето реши да оформи „Куќа на славните“ во која првично беа вклучени речиси 60 члена, а во првото вакво селектирање во ударната група се најде најдобриот македонски ракометар на сите времиња, Кирил Лазаров.

Актуелниот селектор на македонската ракометна репрезентација заслужено се најде меѓу ракометниот крем и доби место во ЕХФ „Куќата на славните“, но овој месец таква чест ќе добие и Индира Кастратовиќ.

Легендарната македонска ракометарка ќе биде придодадена во посебно друштво на свечената церемонија во Виена која ќе се одржи на 14-ти декември, што воедно ќе биде увертира за големото финале на Европското првенство кое се игра овој период.

Индира се најде на листата од 21 ракометари и ракометарки кои ќе добијат место во „Куќата на славните“, што дефинитивно е огромна чест за прославената ракометарка која освои 12 титули во македонското првенство со Кометал Ѓорче Петров.

Кастратовиќ играше и во три финалиња во Лигата на шампионите, а успеа и да излезе како победник во она историското во 2002-ра година кога Кометал стана европски шампион.

🏅New legends of the game inducted into ✨#EHF 𝐇𝐚𝐥𝐥 𝐨𝐟 𝐅𝐚𝐦𝐞✨

2⃣1⃣ former handball players will be honoured at the #EHFExcellenceAwards gala on 14 December in Vienna, for their outstanding achievements and contribution to European #handball!👏🏻👏🏻👏🏻 pic.twitter.com/XNvXRBcHhb

— European Handball Federation (@EHF_Activities) December 4, 2024