Легендарен напаѓач на Реал: Модриќ попрво ќе го загуби видот, отколку енергијата на теренот!

Лука Модриќ продолжува да ја воодушевува фудбалската јавност на неколку месеци пред да наполни 40 години, па Карло Анчелоти јавно побара од Хрватот да игра фудбал се додека посакува да го прави тоа.

Тренерот на Реал Мадрид остана импресиониран од неговата мајсторија на натпреварот против Џирона, а во низата пофалби за Хрватот се вклучи и еден легендарен напаѓач на „кралевите“, Фернандо Мориентес.

Поранешниот голгетер се издвои од останатите според стилот на кој го опиша Модриќ, па со самото тоа многу брзо се најде во центарот на вниманието.

– Голот на Модриќ против Џирона е еден од оние кои се поретко се гледаат во фудбалот. Постигна гол кога натпреварот доби бавно темпо. Да бидам искрен, веќе почнуваат да ни недостасуваат епитети за да го опишеме Модриќ.

– Мислам дека ова никој го нема кажано за него, но навистина го мислам истото: Попрво ќе го загуби видот, отколку енергијата на теренот! Играчите како него се повлекуваат кога ќе загубат ентузијазам, кога ќе почнат да им недостасуваат одредени работи од приватниот живот. Очигледно кај Модриќ се уште не дошло до тоа, – вели Мориентес во разговорот за „Кадена Копе“