Легендарен кошаркар на Чикаго Булс изнесе жестоки критики за документарецот за Џордан, „Последниот Танц“: 90% од филмот…

Поранешниот соиграч на Мајкл Џордан од Чикаго и член на „биковите“ од 1987 до 1994 година, Харaс Грент имаше низа негативни коментари за легендарниот Џордан и филмот кој ја опишува неговата кариера „Последниот танц“.

Грент во интервју за „ЕСПН“ тврди дека документарецот е исполнет со лаги и дека дури 90% од филмот не е вистина.

Имено, овој кошаркар беше посочен како човекот кој издавал тајни од соблекувалната на Чикаго Булс. Во интервјуто веднаш беше запрашан дали тоа е вистина, на што Грент одговори:

– Тоа е целосна лага. Лага, лага ,лага. Ако Мајкл Џордан имаше проблем со мене, требаше да го реши како човек. Требаше да зборуваме за тоа и да го решиме на друг начин, но тој се реши да истапи во јавноста и да каже дека јас сум кртот.

– Тој има нешто против мене, тоа го докажа во својот т.н документарец. Кога ќе кажевте нешто за него, тој би се обидел да ве уништи, -изјави Грант а потоа истакна дека 90% од неговиот документарец се целосна лага.

– Не го прикажува тоа што се случуваше затоа што многу работи кои Џордан ги зборуваше на соиграчите се однесуваа само на него. Но, тоа добро го монтираше за документарецот, ако така можеме да го наречеме, -изјави Грент.