Легендарен фудбалер ќе ја води Украина на гостувањето во Скопје (Фото)

Македонија со победа над Малта ги отвори новите квалификации за Европско првенство, но по триумфот над Малта во месец март, сега следат два тешки предизвици за избранците на Боби Милевски.

Нашиот најсилен тим на 16-ти јуни ќе ја пречека Украина на домашен терен, а потоа ќе гостуваме против Англија на „Вембли“ за затворање на јунскиот квалификациски прозорец.

Македонија сигурно повеќе шанси за поволен резултат гледа против Украина која ќе гостува во Скопје, селекција која на „Тодор Проески“ ќе допатува со нов селектор.

Украинската фудбалска репрезентација денеска го објави името на перманентниот селектор, откако досега оваа улога привремено ја извршуваше Руслан Ротан.

Нов селектор на Украинците е добро познатиот Сергеј Ребров, легендарниот напаѓач на Динамо Киев кој во кариерата настапуваше и за Тотенхем и Вест Хем.

Ребров ја гради својата тренерска кариера веќе неколку години и последно имаше одлични резултати во Ал Аин, клуб кој го ослободил порано за да го добие првиот селекторски предизвик во својата родна земја.

Сергеј потпишал тригодишен договор со Федерацијата на Украина, па планот е да ја води селекцијата најмалку до Светското првенство 2026-та година.

📑 Serhiy Rebrov's сoaching staff in the national team of Ukraine.

Vicente Gómez
Alberto Bosch
Unai Melgosa
Glib Platov
Rustam Khudzhamov

🤝 Contracts with the head coach and his staff are valid until July 30, 2026. pic.twitter.com/O4npjbTP50

— Ukrainian Association of Football (@uafukraine) June 7, 2023