Легенда за која зборува цела Германија: Излегол да купи паста за заби, сега ќе го пропушти рестартот на Бундеслигата

Бундеслигата утре се враќа на редовната програма и практично тоа ќе биде првото големо натпреварување кое ќе се рестартира по големата пауза која настана поради коронавирусот, но наспроти сите позитивни вести кои пристигнуваат од Германија, спортската јавност од оваа земја денеска пишува и за големата легенда која се претвори во топ тема.

Тренерот на Аугзбург, Хајко Херлих за жал ќе мора да го пропушти реактивирањето на елитното фудаблско друштво, откако успеал да го прекрши едноставното, но истовремено строго правило пред враќањето на терените. Германската фудаблска Федерација ги стави сите фудбалери и тренери во седумдневен карантин во хотел пред враќањето на терените, но Херлих го прекшил истиот и сега нема да го гледаме на првиот меч по корона-паузата.

Во своето појаснување на прилично бизарната ситуација, Хајко појаснува дека отишол до блискиот супермаркет за да си купи паста за заби и крема за кожа, но иако кога се вратил сфатил што направил, веќе било доцна.

Херлиќ се извинува за својата постапка и вели дека ќе ги сноси последиците за прекршувањето на посебните регулативи изречени од Федерацијата, па сега ќе мора да мине нов седудневен карантин пред да се врати на терените.

Инаку, Аугзбург утре игра во првиот и ударен термин од 15:30 часот, а противник на тимот кој ќе го води помошникот на Хајко ќе биде Волфзбург.