Легенда на Арсенал со жестока реакција за „линчот“ кој го добива Рашфорд: Сакате да гледате како пропаѓа еден млад човек

Маркус Рашфорд наиде на жесток медиумски „линч“ откако беше изоставен од Рубен Аморим на два натпревари во низа, бидејќи речиси цела англиска јавност и голем дел експерти почнаа да го опишуваат како играч чиј најдобри денови се зад него.

Како што стојат работите, повеќе од веројатно е дека кариерата на Рашфорд во неговиот матичен клуб е завршена, но Јан Рајт е шокиран од заклучоците кои се изведуваат, особено за играч кој има само 27 години.

Легендата на Арсенал потенцира дека фудбалските патишта не завршуваат на театарот на соништата, па смета дека Рашфорд може да успее во било кој друг голем клуб, исто како што тој го правеше тоа своевремено во Арсенал.

– Јас пристигнав во Арсенал на 28 години, а вие очекувате да отпишам играч со квалитети на Рашфорд кога има 27 години?

– Многумина од вас очајно посакуваат да гледаат како еден млад човек пропаѓа за потоа да велите дека сте биле во право. Сите вие би зграпчиле само 1 процент од кариерата која ја има Маркус досега!,  – им порача Рајт на критичарите.