Леброн стана трет играч со 35.000 поени во НБА лигата, Бруклин славеше во „Стејплс Центарот“ (ВИДЕО)

Екипата на Бруклин Нетс издвојува победа над Лос Анџелес Лејкерс со 109-98 во дербито на вечерта во НБА лигата.

Домаќините не можеа да смеаат на двајца важни членови од стартната петорка Дејвис и Шрудер, додека на спротивната страна го немаше Дурент, па во оваа ситуација подобро се снајдоа гостите кои го освоија „Стејпс Центарот“ за 19 сезонско славје.

Харден со дабл-дабл до 23 поени и 11 асистенции беше прво име кај Нетс за кои Херис додаде 21 поен, а Ирвинг 16 кошеви.

Залудни за Лејкерс беа 32 поени, 8 скокови и 7 асистенции на Џејмс кој сепак ќе го памети овој натпревар. Имено на дуелот во Лос Анџелес, Леброн ја мина границата од 35.000 кошеви во НБА лигата со што стана само трет играч во историјата по Карим Абдул Џабар и Карл Мелоун кој успеал ова да го направи.

На останатите две пресметки, Торонто одново беше подобар од Милвоки (110-96), Мајами како гостин славеше над Сакраменто со 118-110.