ЛеБрон му поставил јасно правило на својот син Брони: Не смее да ме вика „тато“ додека играме (Видео)

ЛеБрон Џејмс доби уникатна шанса да тренира и да игра со својот син Брони, откако Лос Анџелес Лејкерс реши да го ангажира наследникот на „кралот Џејмс“ на последниот НБА драфт.

Иако квалитетот на Брони не задоволува голем дел од експертите и се отвори голема дебата за неговиот влез во НБА лигата, реалноста е дека „езерџиите“ му подадоа рака и ќе му укажат шанса, а останува да се види како ќе успее да напредува во ситуација кога крај себе ќе го има својот татко.

Следнава сезона за првпат во историјата ќе гледаме татко и син во ист тим во најсилната кошаркарска лига во светот, но пред да дојде до тоа, ЛеБрон откри дека поставил неколку правила.

Едно од нив е поврзано за изговорање на зборот „тато“, кој Брони нема да смее да го користи за време на тренинзите и натпреварите.

– Не, не може да ме вика тато, тоа веќе го поставивме како правило. Не смее да ме вика „тато“ додека сме на работа. Кога ќе излеземе од салата и ќе се затворат вратите, може повторно да ме вика „тато“. Може да ме вика „двојка или тројка“, може да ме вика „Брон“, или ако сака „ГОАТ“.

– Не може да трчаме по теренот и тој да вели „тато, додај ми ја топката“……., – низ смеа вели ЛеБрон.

Is @KingJames cool with Bronny calling him “Dad” on the court? 👀🏀#TheShop Live From Paris premieres this Thursday, 8/29 on our YouTube channel!

Presented by @Nike. pic.twitter.com/96Yh3TRYmn

— The Shop (@TheShopUN) August 27, 2024