Лебеф: Само два тима се во трка за титулата во Премиер лигата

Вечерва ќе биде затворено 14. коло во Премиер лигата, но веќе се одиграни најголемиот дел од натпреварите, поточно своите обврски ги завршија екипите кои реално се борат за врвот, топ 4 на табелата.

Лидерот Ливерпул по подолго време загуби бодови и тоа на гостувањето на „Сент Џејмс Парк“ кај Њукасл (3-3), „кикс“ кој беше искористен од Челси и Арсенал кои сега се на минус седум во однос на водечкиот тим на табелата. И Манчестер Сити сега е на едноцифрена разлика од избраниците на Арне Слот, но без разлика на овие случувања некогашниот француски репрезентативец Франк Лебеф смета дека само два тима се реални кандидати за пехарот.

-Во трката за титулата сè уште ги ставам Арсенал и Ливерпул. Мислам дека Сити ќе се мачи. Го немам Челси во трката за титулата. За мене само Арсенал и Ливерпул. Сакам да бидам претпазлив. Арсенал може добро да реагира ако Ливерпул почне да губи бодови како со Њукасл.

-Требаше да го добијат тој натпревар дури и ако беше фер резултат, на 3-2, требаше да победат. Со Челси сакам да бидам претпазлив бидејќи тие се уште се млади играчи и самодовербата лесно може да ја изгуби поради неискуството, -истакна Лебеф за „ЕСПН“.