Лебеф ја промени „плочата“ за играч на Челси: Тој стана мој идол, го викам…

Франк Лебеф како поранешен играч на Челси сака да го гледа клубот на врвот во англискиот фудбал и во Европа, а кога не оди како и останатите аналитичари, експерти, некогашни фудбалери знае да биде суров, незгоден, а токму за едни негови зборови од минатото тој сега се покаја.

Имено Французинот го промени мислењето за шпанскиот репрезентатовец Марк Кукурелја за кого едно време порачуваше дека нема реноме, квалитет за игра за премиерлигашот за да сега го посочува како идол, спасител со оглед на тоа што токму тој донесе победа за Челси против Лестер.

-Сакам да спомнам некого затоа што бев многу груб, непристоен со него пред околу две години. Кукурелја. Јас го викам Куку спасителот! Така го нарекувам. Тој стана мој идол! Тој човек е неверојатен: одбранбено, офанзивно. Куку спасителу, те сакам. Но, сите останати мора да работат повеќе, ајде момци! Вратете се на основите. Челси ја држи топката, но не прави ништо со неа. Потоа подоцна во играта кога им треба топката, ја даваат топката.

-Изгледаа целосно загубено против Лестер. Победија, во ред е, но јас не сум многу задоволен од настапот, -истакна Лебеф за „ЕСПН“.