Леао сподели фантастична вест по двете брилијантни изданија во неколку дена (Фото)

Рафаел Леао го дочека својот момент за докажување под водство на Пауло Фонсека и одговори на брилијантен начин по трите меча во низа на кои стартуваше како резерва, но по двата гола кој вчера ги постигна против Калјари, откри и една убава вест од неговиот приватен живот.

Крилниот напаѓач беше извонреден на „Сантијаго Бернабеу“ и со две асистенции учествуваше во победата на Милан од 1:3, а вчера постигна два гола на Сардинија во возбудливото реми со резултат 3:3.

Леао еден од двата гола го прослави такашто ги стави двата палци во својата уста, начин на кој и откри на јавноста дека станал татко на две машки деца.

Рафа во текот на летото во ексклузива за „Газета“ откри дека чека близнаци, но откако истите биле предвреме родени, изминативе неколку седмици биле мониторирани од страна на лекарите.

Откако целата процедура минала во најдобар ред, Леао сега се радува на своите два наследници, па головите против Калјари им ги посвети на Леонардо и Тиаго (имињата на близнаците).

❤️ GdS: Leao becomes a father after welcoming twin boys Leonardo and Tiagohttps://t.co/RXi62ECGYa #SempreMilan

— SempreMilan (@SempreMilanCom) November 10, 2024