Леао: Оваа победа е за него (ВИДЕО)

Милан успешно го мина незгодното гостување на „Фриули“ во Удине каде успеа да го суреди домаќинот со убедливи 4-0.

Гостите постигнаа голови во вистинско време, два во завршницата на првото полувреме, а потоа уште два во вториот дел за потврда на триумфот број 14 во оваа кампања во Серија А.

Сепак овој триумф донесе и еден инцидент, тежок судир по кој голманот Мајк Мењан мораше на носилки да биде изнесен од теренот и однесен во болница. И покрај овој стрес, играчите на „росонерите“ останаа мирни за да по натпреварот бидат испратени неколку пораки и победата му биде посветена токму на Фтанцузинот.

-Најважно е дека Мајк е добро. Нашите мисли се со него, -истакна Кристијан Пулишиќ.

-Со она што се случи претходно во Удине, тоа е чудна средина. Влеговме фокусирани, добро се подготвивме за натпреварот по добрата работна недела. Оваа победа е за Мењан, -порача Рафаел Леао.

-За среќа, Мајк е добро. Сите го прашавме докторот како е, а тој не увери со тоа што ни кажа дека е во болница на тестови, ама дека е во ред. Тој е одличен капитен, го заглави лицето во опасна ситуација, -рече пак дефанзивецот Матео Габија.