Леао не им донесе среќа: Димитријевиќ и Милано поразени во големото италијанско дерби

Олимпија Милано на Ненад Димитријевиќ претрпе пораз од Виртус Болоња од 82:73 во големото дерби во првата италијанска лига.

Гостите од Болоња беа на повисоко ниво на ова соочување, ги добија првите три четвртини и во завршниот период влегоа со предност од 13 разлика (66:56), предност која беше недостижна за избраниците на Месина кои се обидоа нешто да направат, ама едноставно немаа сили за комплетен кам-бек.

Шенгелија со 19 поени ги предводеше гостите, додека стандардно Миротиќ беше играч број еден кај „манекените“ со 21 поен. Димитријевиќ не се прослави на овој меч, одигра 16 минути во кои не постигна ниту еден кош и забележа само два скока.

Инаку оваа средба ја проследи ѕвездата на Милан Рафаел Леао кој даде поддршка за Милано, но и тоа не помогна за позитивен резултат.

Ehi Rafa!#insieme #ForzaOlimpia pic.twitter.com/zTnB96OANq

— Olimpia Milano (@OlimpiaMI1936) December 8, 2024