Леао: Милан ми помогна повторно да се пронајдам

Милан му одржа вистинска лекција на актуелниот лидер во Серија А, Наполи и тоа на негов терен во Неапол каде го суреди со 4-0.

Каква лекција од шампионот: Милан го понижи Наполи на „Диего Армандо Марадона“ (ВИДЕО)

„Росонерите“ покажаа зошто се уште се актуелни шампиони и со одлична партија испратија порака дека никогаш не треба да ги отпишиваат затоа што ова е тим кој поседува карактер, знаење, борбеност, квалитет и потенцијал. Во главна улога беше Рафаел Леао кој даде два гола, негови први голови по месец јануари, поточно од дуелот со Лече.

-Знаевме дека ова е важен меч  против голем противник кој има прекрасна сезона. Слушнавме некои работи што луѓето ги кажаа надвор од Милано и кои ни дадоа дополнителна енергија. Сакам да им се заблагодарам на нашите навивачи и тимот, бидејќи работевме неверојатно како единица, ова е Милан, -порача Леао кој даде одговор за прославата на голот.

-Само сакам да одговорам на теренот. Сакам да го слушам мојот тренер и оние што работат овде, луѓето што зборуваат надвор од клубот не ме интересираат. Тоа повеќе ме мотивира. Имав неколку комплицирани месеци, сега повторно се најдов благодарение на мојот тренер и мојот тим, -истакна Португалецот кој на крајот го размени дресот со Квича Кварацхелија.

-Можам да кажам дека сум негов голем фан, тој е играч што ми се допаѓа поради она што го прави на теренот, сличен е на мене во тоа што сака да ги однесе противниците и има фантастична сезона, -заклучи офанзивецот.